Simba ya MO ni balaa tupu

-


IN SUMMARY
  • Katika mechi zao 11 walizocheza mpaka sasa, Simba imevuna jumla ya mabao 23 ikiwa ndiyo klabu yenye mabao mengi zaidi kuliko nyingine zinazoshiriki ligi hiyo kwa msimu huu yenye timu 20.
ADVERTISEMENT
ADVERTISEMENT
MASHABIKI wa Simba kwa sasa wana kila sababu ya kunenepa. Wakonde wana stresi gani bwana, wakati mkwanja wa bilionea wao, Mohammed ‘MO’ Dewji unaendelea kuwapa raha duniani kutokana na timu yao kukimbiza Bongo.
Ikiwa katika mbio za kutetea taji lao la Ligi Kuu Bara walilolitwaa msimu uliopita baada ya kulisotea kwa miaka mitano, Simba ya sasa ni moto ikiwakimbiza wapinzani wao, ikiwamo Yanga iliyowatesa kwa miaka kadhaa walipokuwa ovyo.
Kama hujui ni kwamba safu ya ushambuliaji ya Simba kwa sasa inathibitisha jeuri ya fedha ya timu yao kulingana na watani zao wa Yanga ambao, wanaishi maisha ya kuungaunga kwa sasa kutokana na hali yao ya uchumi kuyumba.
Kiwango kikubwa cha fedha ambacho Simba imekuwa ikitumia kulipa mishahara nyota wake kimeonekana kuzaa matunda kwa safu ya ushambuliaji na kuwapiga bao mastraika wa watani zao wa jadi Yanga.
Timu zote mbili zinaonekana zinavuna kutokana na kile ambacho zimepanda kupitia mishahara ya nyota hao, kwani Simba inayotumia fungu kubwa la fedha kulipa mishahara nyota wae imeonekana kunufaika zaidi kulinganisha na Yanga.
Inakadiriwa kiasi cha Sh 28.5 milioni kinatumika kila mwezi kwa ajili ya kulipa mishahara ya washambuliaji wake sita tu, huku matunda yakionekana kwa timu hiyo kuwa vinara wa mabao katika Ligi Kuu Bara mpaka sasa.
Katika mechi zao 11 walizocheza mpaka sasa, Simba imevuna jumla ya mabao 23 ikiwa ndiyo klabu yenye mabao mengi zaidi kuliko nyingine zinazoshiriki ligi hiyo kwa msimu huu yenye timu 20.
Katika mabao hayo 23 yaliyotupiwa kambani na Simba, mabao 18 yamefungwa na washambuliaji asilia ilionao huku mengine matano yakifungwa na nyota wa nafasi nyingine.
Miongoni mwa nyota wanaochuma kiasi kikubwa cha fedha ndani ya kikosi cha Simba kupitia mshahara wanaolipwa, Meddie Kagere anaonekana ametendea haki zaidi fedha hizo akiwa amefunga mabao saba.
Kagere anayelipwa kiasi cha Dola 5,500 (Sh 12 milioni) hadi sasa ameshapachika mabao saba akifunga dhidi ya Prisons, Mbeya City, Stand United, Alliance na Ruvu Shooting.
Ukiondoa Kagere, nyota mwingine anayevuna mkwanja mrefu Msimbazi ni Emmanuel Okwi ambaye inakadiriwa analipwa mshahara wa Dola 3,500 (zaidi ya Sh7 milioni) naye akiwa ametupia kambani mabao saba pia. Mabao hayo akiyafunga dhidi ya African Lyon, Stand United, Alliance na Ruvu Shooting.
Ukiondoa nyota hao wa kigeni, nahodha John Bocco anayetajwa kuvuna Sh 4 milioni kwa mwezi na Adam Salamba anayevuta Sh 1.5 milioni nao wametendea haki mishahara ya Simba kwa kupachika mabao mawili kila mmoja.
Katika orodha hiyo ya washambuliaji wa Simba ni Mohammed Rashid na Marcel Kaheza wanaotajwa kulipwa Sh 1.5 kila mmoja ndio wameshindwa kutendea haki fedha za Simba wanazolipwa kama mishahara kwa kutofunga bao hata moja.
HUKO YANGA SASA
Wakati Simba wakionekana kupata faida ya kile walichokiwekeza kwenye mishahara ya washambuliaji wake, upande wa pili ambao ni Yanga wenyewe wameonekana kupata kile wanachostahili kutokana na fungu dogo wanalotoa.
Inakadiriwa kuwa Yanga hutumia kiasi cha Sh 15milioni pekee kwa ajili ya kulipa mishahara kwa nyota wake watano washambuliaji asilia.
Yanga katika Ligi Kuu msimu huu mpaka sasa imefunga mabao 17 katika mechi zao 10, mabao 9 kati ya hayo yakifungwa na mastraika hao, huku mengine yakitupiwa nyavuni na nyota wa nafasi nyingine wakiwamo mabeki Andrew Vincent ‘Dante’ na Kelvin Yondani na mawinga, Mrisho Ngassa na Deus Kaseke. Heritier Makambo anayelipwa Dola 1,500 (Sh 3 milioni), amefunga mabao manne, Amissi Tambwe anayechukua Dola 2,000 (zaidi ya Sh 4 milioni) amefunga mabao mawili, huku Ibrahim Ajibu anayetajwa kulipwa Sh 4 milioni akifunga matatu na kutoa pasi za mabao tisa.
Mastraika Yohana Mkomola na Mateo Anthony wanaodaiwa kulipwa Sh 2.5 milioni, hawajafunga bao lolote mpaka sasa, wakizidiwa na viungo Feisal Salum ‘Fei Toto’, Rafael Daud na Jaffar Mohammed waliotupia kila mmoja bao moja moja.
MBELGIJI SAFI
Kutokana na kasi ya nyota wa Simba katika kutupia, Kocha Patrick Aussems amesema ni faraja kwani anaona mambo yanaenda kama anavyotaka japo anataka kasi iongezeke zaidi.
Alisema anaridhishwa na kasi ya upachikaji mabao kwa washambuliaji wake na anaamini wanatoa msaada mkubwa kwa timu.
“Jambo kubwa ni kufunga na kama unavyoona, Bocco, Okwi na Kagere wote wanafanya hivyo na sasa hivi Salamba naye ameanza kufunga japo anachezeshwa kwa muda mdogo,” alisema Aussems na kuongeza;
“Naamini hili ni jambo zuri kwa timu hasa ukizingatia hatukuwa tukifunga mabao mengi katika mechi za mwanzoni,” alisema.

Comments

Post a Comment

Popular posts from this blog

Msimu Mpya: Samatta Afanya Maangamizi Ubelgiji

-
Image
 NAHODHA wa timu ya Taifa Tanzania ‘Taifa Stars’, Mbwana Samatta amefunga mabao matatu (hat-trick), katika mchezo wa Ligi Daraja la Kwanza nchini Ubelgiji dhidi ya Waasland-Beveren. Samatta aliiongoza klabu ya KRC Genk kuibuka na ushindi wa mabao 4-0 katika mchezo huo uliochezwa juzi, kwenye Uwanja wa Freethielstadion, mjini Beveren. Mshambuliaji huyo alifunga mabao hayo, dakika za 53, 66 na 86, huku bao jingine likifungwa na Joseph Paintsil dakika ya 21. Samatta anakuwa mshambuliaji wa tatu kufikisha mabao manne, baada ya kucheza michezo minne ya ligi hiyo msimu huu, wengine ni Dieumerci Mbokani wa Royal Antwerp na David Okereke wa Club Brugge. Huo ni mwanzo mzuri kwa Samatta ambaye msimu uliopita aliimaliza nafasi ya pili kwenye chati ya wafungaji bora wa ligi hiyo , akiwa na mabao 23, mabao mawili nyuma ya Hamdi Harbaoui wa Zulte Waregem aliyechukua kiatu cha ufungaji bora. Samatta sasa amefikisha mabao 66, katika mechi ya 160 za mashindano yote, t...
Read more

ALIYEIPELEKA TAIFA STARS AFCON 1980 AFUNGUKA WALIVYOPAMBANA – VIDEO

-
Image
Mchezaji wa Zamani ambae aliisaidia Tanzania kuvuka katika hatua ya kushiriki michuano ya AFCON Mwaka 1979/80 na ndiye aliyeipatia Tanzania goli la Uhsindi, BENEDICT KINOPO, jana Ijumaa, Machi 22, 2019 alifika katika Uwanja wa Taifa na kuwapa hamasa vijana wanaoichezea timu hiyo ili washinde katika mechi ya Jumapili dhidi ya Uganda. Watanzania wanaimani na Timu ya Taifa kuwa itaibuka na ushindi katika mechi hiyo ambapo kuwa hamasa vimetenghenezwa ili Taifa stars kuona kama hawapo peke yao katika mbio hizo za kutaka kuvuka hatua hiyo. BAADA YA KUSHIRIKI HUU NDIYO ULIKUA MSIMAMO WA MATOKEO KWENYE KUNDI A, AMBALO TAIFA STARS ILIKUWA TAZAMA VIDEO AKIFUNGUKA
Read more

Simba Vs Azam: Mtakula za Kutosha!

-
Image
 ACHANA na mechi ya Man city na Spurs, ngoma leo saa 1 usiku iko kwenye Uwanja wa Taifa kwa Simba na azam. Kwa lugha rahisi ni kwamba wenye mpira wao Tanzania wanafungua msimu mpya kwa burudani ya Ngao ya Jamii. Kuanzia nje mpaka ndani ya Uwanja hizi ndizo klabu zenye bajeti kubwa zaidi na leo zinakutana Taifa kuonyeshana ubabe na kufungua njia mpya. Ni mechi ngumu na itakayokuwa na utamu wa aina yake. Ni lazima mtu akae, hakuna cha sare wala suluhu. Mtaalam Razack Abalora atasimama kwenye lango la Azam huku pembeni katika ulinzi wakisimama Nicholas Wadada na Bruce Kangwa. Pale kati atakuwepo Daniel Amoah na Oscar Masai. Kati yupo Yakub Mohammed, Abdallah Masoud, Salmin Hoza, Salum Aboubakary ‘Sure Boy’ na Idd Seleman. Huyu ni wakuitwa Nado. Pale mbele anamalizia Obrey Chirwa mwenyewe. Simba sasa. Aishi Manula hayuko fiti. Beno Kakolanya ataanza chini ya ulinzi wa Shomari Kapombe,Hussein Mohammed ‘Tshabalala’, Pascal Wawa na Tairone Dos Santos. Kuna mtu ...
Read more