Samatta awafunika nyota Arsenal, Chelsea

-


Kwa ufupi

  • Mbwana Samatta ameingia katika orodha ya wachezaji 10 nyota waliofanya vyema Ulaya

Dar es Salaam. Wakati akizidi kuchochea kasi ya kuwania kiatu cha dhahabu kwenye Ligi Kuu ya Ubelgiji, nahodha wa Taifa Stars, Mbwana Samatta (26), amewafunika mastaa wanne wa klabu kubwa za England, Arsenal na Chelsea.
Wachezaji hao maarufu ni Pierre-Emerick Aubameyang, Olivier Giroud, Danny Welbeck, Alexandre Lacazette wanaocheza Arsenal na Alvaro Morata wa Chelsea.
Mastaa hao wameshindwa kufua dafu mbele ya Samatta katika orodha ya nyota wanaofanya vizuri katika mashindano ya Ligi ya Europa yanayoshika nafasi ya pili kwa ukubwa kwenye ngazi ya klabu Ulaya.
Rekodi zilizotolewa na Shirikisho la Soka Ulaya (Uefa), Samatta ameingia katika orodha ya nyota 10 bora waliofanya vizuri katika mashindano hayo hadi hivi sasa kutokana na ufanisi mkubwa alioonyesha kwenye Ligi ya Europa akiwa na kikosi cha KRC Genk.
Wakati akishika nafasi ya 10 katika orodha ya wachezaji nyota 10 waliofanya vizuri, Samatta pia anashika nafasi ya tatu katika orodha ya washambuliaji waliong’ara kwenye mashindano hayo.
Samatta ambaye katika mashindano hayo amecheza mechi tatu kwa dakika 263, akifunga mabao matatu, kutoa pasi moja iliyozaa bao, akipiga jumla ya mashuti sita huku matano kati ya hayo yakilenga lango, amemzidi nyota wa Arsenal, Aubameyang.
Mshambuliaji huyo amecheza mechi mbili akitumia dakika 143, akifumania nyavu mara mbili bila kupiga pasi iliyozaa bao huku akipiga mashuti tisa, matano tu yakilenga lango na anashika nafasi ya 22.
Lacazette ametoa pasi moja ya bao bila kufunga, katika mechi mbili alizocheza dakika 28 tu huku akiwa hajapiga shuti, wakati Giroud katika mechi mbili alizocheza dakika 100, hajafunga wala kupiga pasi iliyozaa bao, akipiga mashuti manne tu ambayo miongoni mwa hayo, mawili tu ndiyo yalilenga lango.
Morata aliyecheza mechi mbili kwa dakika 170, akifunga moja bila kupiga pasi ya mwisho, amepiga mashuti 15 na yaliyolenga lango ni matatu tu.
Welbeck aliyewahi kucheza Manchester United, amefunga mabao mawili pasipo kupiga pasi ya mwisho kwenye dakika 261 alizocheza katika mechi tatu, akipiga mashuti matano huku matatu tu ndiyo yalilenga lango.
Katika hali ya kushangaza, Wakati Samatta akishika nafasi ya 10 katika orodha ya wacheza 100 bora wa mashindano ya Europa hadi sasa, Aubameyang anashika nafasi ya 22 huku Welbeck, Lacazette, Morata na Giroud wote wameshindwa kuwemo kwenye kundi la nyota hao.
Samatta ‘amewapiga’ bao washambuliaji hao baada ya kupata pointi 4711, Aubameyang (4015), Lacazette (1578), Welbeck (2308), Giroud (943) na Morata (1447).
Ukiondoa washambuliaji hao, pia Samatta amewafunika mastaa wengine akina Eden Hazard, Cesc Fabregas, Pedro Rodriguez, Mesut Ozil, Victor Moses, N’Golo Kante na Henrikh Mikhitaryan.

Comments

Post a Comment

Popular posts from this blog

Msimu Mpya: Samatta Afanya Maangamizi Ubelgiji

-
Image
 NAHODHA wa timu ya Taifa Tanzania ‘Taifa Stars’, Mbwana Samatta amefunga mabao matatu (hat-trick), katika mchezo wa Ligi Daraja la Kwanza nchini Ubelgiji dhidi ya Waasland-Beveren. Samatta aliiongoza klabu ya KRC Genk kuibuka na ushindi wa mabao 4-0 katika mchezo huo uliochezwa juzi, kwenye Uwanja wa Freethielstadion, mjini Beveren. Mshambuliaji huyo alifunga mabao hayo, dakika za 53, 66 na 86, huku bao jingine likifungwa na Joseph Paintsil dakika ya 21. Samatta anakuwa mshambuliaji wa tatu kufikisha mabao manne, baada ya kucheza michezo minne ya ligi hiyo msimu huu, wengine ni Dieumerci Mbokani wa Royal Antwerp na David Okereke wa Club Brugge. Huo ni mwanzo mzuri kwa Samatta ambaye msimu uliopita aliimaliza nafasi ya pili kwenye chati ya wafungaji bora wa ligi hiyo , akiwa na mabao 23, mabao mawili nyuma ya Hamdi Harbaoui wa Zulte Waregem aliyechukua kiatu cha ufungaji bora. Samatta sasa amefikisha mabao 66, katika mechi ya 160 za mashindano yote, t...
Read more

ALIYEIPELEKA TAIFA STARS AFCON 1980 AFUNGUKA WALIVYOPAMBANA – VIDEO

-
Image
Mchezaji wa Zamani ambae aliisaidia Tanzania kuvuka katika hatua ya kushiriki michuano ya AFCON Mwaka 1979/80 na ndiye aliyeipatia Tanzania goli la Uhsindi, BENEDICT KINOPO, jana Ijumaa, Machi 22, 2019 alifika katika Uwanja wa Taifa na kuwapa hamasa vijana wanaoichezea timu hiyo ili washinde katika mechi ya Jumapili dhidi ya Uganda. Watanzania wanaimani na Timu ya Taifa kuwa itaibuka na ushindi katika mechi hiyo ambapo kuwa hamasa vimetenghenezwa ili Taifa stars kuona kama hawapo peke yao katika mbio hizo za kutaka kuvuka hatua hiyo. BAADA YA KUSHIRIKI HUU NDIYO ULIKUA MSIMAMO WA MATOKEO KWENYE KUNDI A, AMBALO TAIFA STARS ILIKUWA TAZAMA VIDEO AKIFUNGUKA
Read more

Simba Vs Azam: Mtakula za Kutosha!

-
Image
 ACHANA na mechi ya Man city na Spurs, ngoma leo saa 1 usiku iko kwenye Uwanja wa Taifa kwa Simba na azam. Kwa lugha rahisi ni kwamba wenye mpira wao Tanzania wanafungua msimu mpya kwa burudani ya Ngao ya Jamii. Kuanzia nje mpaka ndani ya Uwanja hizi ndizo klabu zenye bajeti kubwa zaidi na leo zinakutana Taifa kuonyeshana ubabe na kufungua njia mpya. Ni mechi ngumu na itakayokuwa na utamu wa aina yake. Ni lazima mtu akae, hakuna cha sare wala suluhu. Mtaalam Razack Abalora atasimama kwenye lango la Azam huku pembeni katika ulinzi wakisimama Nicholas Wadada na Bruce Kangwa. Pale kati atakuwepo Daniel Amoah na Oscar Masai. Kati yupo Yakub Mohammed, Abdallah Masoud, Salmin Hoza, Salum Aboubakary ‘Sure Boy’ na Idd Seleman. Huyu ni wakuitwa Nado. Pale mbele anamalizia Obrey Chirwa mwenyewe. Simba sasa. Aishi Manula hayuko fiti. Beno Kakolanya ataanza chini ya ulinzi wa Shomari Kapombe,Hussein Mohammed ‘Tshabalala’, Pascal Wawa na Tairone Dos Santos. Kuna mtu ...
Read more