SIMBA, YANGA KUTUA ZANZIBAR KIBABE LEO January 2, 2019 by Global Publishers

-


TIMU za Simba na Yanga zinatarajia kuelekea visiwani Zanzibar leo kwa ajili ya kushiriki michuano ya Kombe la Mapinduzi iliyoanza kutimua vumbi Januari Mosi.

Yanga ambayo ipo Kundi B, inatarajia kushuka dimbani Januari 3 dhidi ya KVZ huku timu nyingine zilizo kundi moja ni pamoja na Azam, Malindi na Jamhuri ya Pemba na kwa upande wa Simba inayotarajia kushuka dimbani, Januari 4 dhidi ya Chipukizi, ipo Kundi A ikiwa pamoja na timu nyingine za KMKM na Mlandege.

Michuano ya Kombe la Mapinduzi imeanza kutimua vumbi jana Januari Mosi kwa timu kadhaa kushuka dimbani ambapo inatarajiwa kufikia tamati Januari 13, huku zawadi za washindi zikiongezwa kutoka milioni 10 hadi milioni 15 pamoja na medali za dhahabu.

Wakizungumza kwa nyakati tofauti, viongozi wa timu hizo, walieleza kuwa wamejipanga kuhakikisha wanafanya vyema katika michuano hiyo huku kwa upande wa Simba wakieleza kuwa inashusha kikosi kamili kwa ajili ya kujiandaa na mechi za Caf.
Msemaji wa Simba Haji Manara alisema: “Tunatarajia kuondoka Dar kesho (leo) kuelekea Zanzibar na tutashusha kikosi chote kwa kuwa tunatumia nafasi hii kwa ajili ya kujiandaa na mechi za makundi Caf, hivyo ni nafasi nzuri kwetu kujiandaa,” alimaliza.

Aidha, kwa upande wa Kocha wa Yanga, Mwinyi Zahera amesema: “Sina kikosi kamili, Makambo (Heritier) amekwenda Congo, wengine 10 wana matatizo mbalimbali, wachezaji waliobakia ni 20 hivyo hatutapeleka kikosi cha kwanza.”

Aidha, Mratibu wa Yanga, Hafidh Saleh ameeleza kuwa kikosi kinaondoka leo saa nane mchana na wachezaji 11 akiwemo mlinda mlango mpya, Hamidu Abdulrahman, Deus Kaseke, Haji Mwinyi, Said Juma ‘Makapu’, Anthony Mateo, Mustapha Simon, Maka Edward, Thaban Kamusoko, Juma Mahadhi, Pius Buswita, Jaffary Mohamed, Juma Abdul, Cleofas Sospeter pamoja na kipa wa U-20 Ibrahim Abrahaman.

Comments

Post a Comment

Popular posts from this blog

Msimu Mpya: Samatta Afanya Maangamizi Ubelgiji

-
Image
 NAHODHA wa timu ya Taifa Tanzania ‘Taifa Stars’, Mbwana Samatta amefunga mabao matatu (hat-trick), katika mchezo wa Ligi Daraja la Kwanza nchini Ubelgiji dhidi ya Waasland-Beveren. Samatta aliiongoza klabu ya KRC Genk kuibuka na ushindi wa mabao 4-0 katika mchezo huo uliochezwa juzi, kwenye Uwanja wa Freethielstadion, mjini Beveren. Mshambuliaji huyo alifunga mabao hayo, dakika za 53, 66 na 86, huku bao jingine likifungwa na Joseph Paintsil dakika ya 21. Samatta anakuwa mshambuliaji wa tatu kufikisha mabao manne, baada ya kucheza michezo minne ya ligi hiyo msimu huu, wengine ni Dieumerci Mbokani wa Royal Antwerp na David Okereke wa Club Brugge. Huo ni mwanzo mzuri kwa Samatta ambaye msimu uliopita aliimaliza nafasi ya pili kwenye chati ya wafungaji bora wa ligi hiyo , akiwa na mabao 23, mabao mawili nyuma ya Hamdi Harbaoui wa Zulte Waregem aliyechukua kiatu cha ufungaji bora. Samatta sasa amefikisha mabao 66, katika mechi ya 160 za mashindano yote, t...
Read more

ALIYEIPELEKA TAIFA STARS AFCON 1980 AFUNGUKA WALIVYOPAMBANA – VIDEO

-
Image
Mchezaji wa Zamani ambae aliisaidia Tanzania kuvuka katika hatua ya kushiriki michuano ya AFCON Mwaka 1979/80 na ndiye aliyeipatia Tanzania goli la Uhsindi, BENEDICT KINOPO, jana Ijumaa, Machi 22, 2019 alifika katika Uwanja wa Taifa na kuwapa hamasa vijana wanaoichezea timu hiyo ili washinde katika mechi ya Jumapili dhidi ya Uganda. Watanzania wanaimani na Timu ya Taifa kuwa itaibuka na ushindi katika mechi hiyo ambapo kuwa hamasa vimetenghenezwa ili Taifa stars kuona kama hawapo peke yao katika mbio hizo za kutaka kuvuka hatua hiyo. BAADA YA KUSHIRIKI HUU NDIYO ULIKUA MSIMAMO WA MATOKEO KWENYE KUNDI A, AMBALO TAIFA STARS ILIKUWA TAZAMA VIDEO AKIFUNGUKA
Read more

Simba Vs Azam: Mtakula za Kutosha!

-
Image
 ACHANA na mechi ya Man city na Spurs, ngoma leo saa 1 usiku iko kwenye Uwanja wa Taifa kwa Simba na azam. Kwa lugha rahisi ni kwamba wenye mpira wao Tanzania wanafungua msimu mpya kwa burudani ya Ngao ya Jamii. Kuanzia nje mpaka ndani ya Uwanja hizi ndizo klabu zenye bajeti kubwa zaidi na leo zinakutana Taifa kuonyeshana ubabe na kufungua njia mpya. Ni mechi ngumu na itakayokuwa na utamu wa aina yake. Ni lazima mtu akae, hakuna cha sare wala suluhu. Mtaalam Razack Abalora atasimama kwenye lango la Azam huku pembeni katika ulinzi wakisimama Nicholas Wadada na Bruce Kangwa. Pale kati atakuwepo Daniel Amoah na Oscar Masai. Kati yupo Yakub Mohammed, Abdallah Masoud, Salmin Hoza, Salum Aboubakary ‘Sure Boy’ na Idd Seleman. Huyu ni wakuitwa Nado. Pale mbele anamalizia Obrey Chirwa mwenyewe. Simba sasa. Aishi Manula hayuko fiti. Beno Kakolanya ataanza chini ya ulinzi wa Shomari Kapombe,Hussein Mohammed ‘Tshabalala’, Pascal Wawa na Tairone Dos Santos. Kuna mtu ...
Read more