JOELLE BUKURU… MRUNDI WA SIMBA ANAYETAMANI KUICHEZEA TWIGA STARS

-



LIGI ya Wanawake inazidi kuunguruma kwenye viwanja tofauti huku vipaji kibao vikishuhudiwa kutoka katika timu 12 zinazoshiriki ligi hiyo inayozaminiwa na kinywaji cha Serengeti Lite.

Simba Queens ni miongoni mwa timu shiriki kunako ligi hiyo na tayari imeshashuka dimbani katika michezo mitano na kuvuna jumla ya pointi 13.
Nyuma ya mafanikio hayo yupo mchezaji nyota wa Kikosi hicho, Joelle Bukuru ambaye anacheza nafasi ya kiungo mshambuliaji.
Mrundi huyo huu ni msimu wake wa kwanza ndani ya ligi hiyo akiwa na jezi ya Simba. Amekuja nchini na mwenzake anayeitwa Aisha Djafar.
Joelle Bukuru (kushoto mwenye mpira) akifanya yake.
Bukuru ni miongoni mwa nyota ambao Jumapili iliyopita waliisaidia Simba kuibuka na ushindi wa mabao 7-0 dhidi ya Yanga Princess katika mwendelezo wa ligi hiyo, mchezo uliochezwa kwenye Uwanja wa Karume, Dar.
Championi Jumatano limefanya mahojiano na nyota huyo juu ya maisha yake ya kwa jumla.
“Naitwa Joelle Bukuru, nimezaliwa Burundi katika familia ya watoto watatu. Mimi ndiye mkubwa nikiwa na pacha wangu anaitwa Abubakari, na kuna mdogo wetu.

Nani alikuleta Tanzania?
“Nahodha wetu Mwanahamisi Omary ndiye aliyenishawishi kuja kucheza soka Tanzania, aliniona kwenye mechi ya timu zetu za taifa, akakubali uwezo wangu na akanishawishi kuja huku.

Kwa nini uliichagua Simba?
“Ni timu ambayo naona inaweza kuishi kwa muda mrefu tofauti na timu za kule kwetu huwa hazikai muda mrefu kutokana na kukosa malezi imara.
Huu ni msimu wako wa ngapi katika soka la ushindani?
“Msimu wangu wa tatu nacheza kwa sababu kule Burundi nimecheza misimu miwili na hapa Tanzania ni msimu wangu wa kwanza.

Tofauti kati ya ligi ya hapa na Burundi ipoje?
“Ligi ya hapa ni nzuri na yenye ushindani mkubwa, lakini pia kuna wachezaji wengi wenye uwezo mkubwa tofauti na kwetu Burundi.
“Burundi ligi yake ni nyepesi sana, watu hawachezi kwa kujituma, lakini huku wachezaji wanapambana na kuonyesha uwezo mkubwa sana.

Maisha ya hapa kwa jumla unayaonaje?
“Naishi vizuri sana kwa sababu ni moja ya nchi nzuri, tunaishi kwa upendo sana na wachezaji wenzangu pamoja na viongozi wa timu.

Katika nafasi unayocheza, ni nani anakupa changamoto?
“Bado sijaona kwa sababu mimi najiamini sana na huwa najitahidi kucheza kwa kujituma sana, sisemi kama hakuna wachezaji wazuri ila mimi naamini ni zaidi.

Umecheza na Yanga Princess, umewaonaje?
“Wapo vizuri ila sisi tulikuwa bora zaidi yao na ndiyo maana tuliwafunga mabao saba, ila wanapaswa kuongeza juhudi zaidi kwa sababu wachezaji wao wengi hawajitumi.

Vipi unalipwa mshahara?
“Ndiyo, ila siwezi kusema ni bei gani, watu wajue tu kuwa ninalipwa mshahara kila mwezi na hata kuja hapa nilisajiliwa na pesa, sikuja tu.

Ukiambiwa ubadili uraia ucheze timu ya taifa ya Tanzania utakubali?
“Kwa hilo siwezi kusema kwa sababu nimeshachezea timu ya Burundi ila kama inaruhusiwa kubadili uraia na kuchezea nchi nyingine, nitafanya hivyo, hakuna shida.

Wazazi wako wanakusapoti vipi kwenye maisha yako ya soka?
“Wananisapoti kwa vitu vingi sana na siku zote wananiambia lazima niongeze juhudi na nidhamu kama nataka kufika mbali.

Malengo yako kwenye soka yapoje?
“Malengo yangu ni kuipa Simba ubingwa wa msimu huu ili niweze kupata njia ya kwenda kucheza soka Ulaya,” anasema Joelle.

Comments

Post a Comment

Popular posts from this blog

Msimu Mpya: Samatta Afanya Maangamizi Ubelgiji

-
Image
 NAHODHA wa timu ya Taifa Tanzania ‘Taifa Stars’, Mbwana Samatta amefunga mabao matatu (hat-trick), katika mchezo wa Ligi Daraja la Kwanza nchini Ubelgiji dhidi ya Waasland-Beveren. Samatta aliiongoza klabu ya KRC Genk kuibuka na ushindi wa mabao 4-0 katika mchezo huo uliochezwa juzi, kwenye Uwanja wa Freethielstadion, mjini Beveren. Mshambuliaji huyo alifunga mabao hayo, dakika za 53, 66 na 86, huku bao jingine likifungwa na Joseph Paintsil dakika ya 21. Samatta anakuwa mshambuliaji wa tatu kufikisha mabao manne, baada ya kucheza michezo minne ya ligi hiyo msimu huu, wengine ni Dieumerci Mbokani wa Royal Antwerp na David Okereke wa Club Brugge. Huo ni mwanzo mzuri kwa Samatta ambaye msimu uliopita aliimaliza nafasi ya pili kwenye chati ya wafungaji bora wa ligi hiyo , akiwa na mabao 23, mabao mawili nyuma ya Hamdi Harbaoui wa Zulte Waregem aliyechukua kiatu cha ufungaji bora. Samatta sasa amefikisha mabao 66, katika mechi ya 160 za mashindano yote, t...
Read more

ALIYEIPELEKA TAIFA STARS AFCON 1980 AFUNGUKA WALIVYOPAMBANA – VIDEO

-
Image
Mchezaji wa Zamani ambae aliisaidia Tanzania kuvuka katika hatua ya kushiriki michuano ya AFCON Mwaka 1979/80 na ndiye aliyeipatia Tanzania goli la Uhsindi, BENEDICT KINOPO, jana Ijumaa, Machi 22, 2019 alifika katika Uwanja wa Taifa na kuwapa hamasa vijana wanaoichezea timu hiyo ili washinde katika mechi ya Jumapili dhidi ya Uganda. Watanzania wanaimani na Timu ya Taifa kuwa itaibuka na ushindi katika mechi hiyo ambapo kuwa hamasa vimetenghenezwa ili Taifa stars kuona kama hawapo peke yao katika mbio hizo za kutaka kuvuka hatua hiyo. BAADA YA KUSHIRIKI HUU NDIYO ULIKUA MSIMAMO WA MATOKEO KWENYE KUNDI A, AMBALO TAIFA STARS ILIKUWA TAZAMA VIDEO AKIFUNGUKA
Read more

Simba Vs Azam: Mtakula za Kutosha!

-
Image
 ACHANA na mechi ya Man city na Spurs, ngoma leo saa 1 usiku iko kwenye Uwanja wa Taifa kwa Simba na azam. Kwa lugha rahisi ni kwamba wenye mpira wao Tanzania wanafungua msimu mpya kwa burudani ya Ngao ya Jamii. Kuanzia nje mpaka ndani ya Uwanja hizi ndizo klabu zenye bajeti kubwa zaidi na leo zinakutana Taifa kuonyeshana ubabe na kufungua njia mpya. Ni mechi ngumu na itakayokuwa na utamu wa aina yake. Ni lazima mtu akae, hakuna cha sare wala suluhu. Mtaalam Razack Abalora atasimama kwenye lango la Azam huku pembeni katika ulinzi wakisimama Nicholas Wadada na Bruce Kangwa. Pale kati atakuwepo Daniel Amoah na Oscar Masai. Kati yupo Yakub Mohammed, Abdallah Masoud, Salmin Hoza, Salum Aboubakary ‘Sure Boy’ na Idd Seleman. Huyu ni wakuitwa Nado. Pale mbele anamalizia Obrey Chirwa mwenyewe. Simba sasa. Aishi Manula hayuko fiti. Beno Kakolanya ataanza chini ya ulinzi wa Shomari Kapombe,Hussein Mohammed ‘Tshabalala’, Pascal Wawa na Tairone Dos Santos. Kuna mtu ...
Read more