‘MO SALAH ANAPOTEZA MUDA LIVER’

-
IMEELEZWA kuwa Mohamed Salah ‘Mo Salah’ atakuwa tayari kuondoka Liverpool ikiwa vigogo wa Hispania, Barcelona au Real Madrid watamfuata kwa nia ya kumsajili Hayo ni maoni ya mshambuliaji wa zamani wa Tottenham na Misri, Mido ambaye ameweka wazi kuwa anaamini Liverpool haitakuwa na nguvu ya kumzuia ikiwa vigogo hao wataamua kumsajili.

Mo Salah amekuwa katika kiwango kizuri kwa misimu miwili, msimu huu ameifanya timu yake iwe moja ya zinazowania ubingwa katika Premier League. Hadi sasa Salah, 26, amefunga mabao 16 katika michezo
27 ya michuano yote akiiongoza Liverpool kuongoza kwenye msimamo wa Premier pamoja na kufuzu hatua ya mtoano katika Ligi ya Mabingwa Ulaya.

Akizungumzia uwezo wa raia mwenzake huyo wa Misri, Mido, 35, alisema: “Huwezi kujua litakalotokea kwenye soka. Barcelona au Real Madrid zikikutaka lazima kichwa kichemke, mchezaji yeyote yupo hivyo.” Akaongeza kuwa ikiwa msimu huu pia atafikisha mabao 25 anaamini vigogo hao watamfuata kwa nia ya kumsajili.

“Nafikiri wanasubiri kuona msimu huu atafanya nini, hawawasajili wachezaji wanaong’ara kwa msimu mmoja tu. Akifikia malengo wanayotaka, litakuwa jambo gumu kumzuia, huo ndiyo ukweli,” alisema.

Comments

Post a Comment

Popular posts from this blog

Msimu Mpya: Samatta Afanya Maangamizi Ubelgiji

-
Image
 NAHODHA wa timu ya Taifa Tanzania ‘Taifa Stars’, Mbwana Samatta amefunga mabao matatu (hat-trick), katika mchezo wa Ligi Daraja la Kwanza nchini Ubelgiji dhidi ya Waasland-Beveren. Samatta aliiongoza klabu ya KRC Genk kuibuka na ushindi wa mabao 4-0 katika mchezo huo uliochezwa juzi, kwenye Uwanja wa Freethielstadion, mjini Beveren. Mshambuliaji huyo alifunga mabao hayo, dakika za 53, 66 na 86, huku bao jingine likifungwa na Joseph Paintsil dakika ya 21. Samatta anakuwa mshambuliaji wa tatu kufikisha mabao manne, baada ya kucheza michezo minne ya ligi hiyo msimu huu, wengine ni Dieumerci Mbokani wa Royal Antwerp na David Okereke wa Club Brugge. Huo ni mwanzo mzuri kwa Samatta ambaye msimu uliopita aliimaliza nafasi ya pili kwenye chati ya wafungaji bora wa ligi hiyo , akiwa na mabao 23, mabao mawili nyuma ya Hamdi Harbaoui wa Zulte Waregem aliyechukua kiatu cha ufungaji bora. Samatta sasa amefikisha mabao 66, katika mechi ya 160 za mashindano yote, t...
Read more

Simba Vs Azam: Mtakula za Kutosha!

-
Image
 ACHANA na mechi ya Man city na Spurs, ngoma leo saa 1 usiku iko kwenye Uwanja wa Taifa kwa Simba na azam. Kwa lugha rahisi ni kwamba wenye mpira wao Tanzania wanafungua msimu mpya kwa burudani ya Ngao ya Jamii. Kuanzia nje mpaka ndani ya Uwanja hizi ndizo klabu zenye bajeti kubwa zaidi na leo zinakutana Taifa kuonyeshana ubabe na kufungua njia mpya. Ni mechi ngumu na itakayokuwa na utamu wa aina yake. Ni lazima mtu akae, hakuna cha sare wala suluhu. Mtaalam Razack Abalora atasimama kwenye lango la Azam huku pembeni katika ulinzi wakisimama Nicholas Wadada na Bruce Kangwa. Pale kati atakuwepo Daniel Amoah na Oscar Masai. Kati yupo Yakub Mohammed, Abdallah Masoud, Salmin Hoza, Salum Aboubakary ‘Sure Boy’ na Idd Seleman. Huyu ni wakuitwa Nado. Pale mbele anamalizia Obrey Chirwa mwenyewe. Simba sasa. Aishi Manula hayuko fiti. Beno Kakolanya ataanza chini ya ulinzi wa Shomari Kapombe,Hussein Mohammed ‘Tshabalala’, Pascal Wawa na Tairone Dos Santos. Kuna mtu ...
Read more