SIMBA SC YAIFANYIA UMAFIA YANGA SC

-


IMBA imeingia kwenye anga za Yanga, baada ya kocha Patrick Aussems kumfukuzia beki anayewaniwa na vinara hao wa Ligi Kuu Bara. Wekundu wa Msimbazi, juzi Jumamosi walitupwa nje ya Ligi ya Mabingwa Afrika baada ya kuchapwa 4-1 na TP Mazembe mjini Lubumbashi, na sasa hasira zao wanazihamishia kwenye Ligi Kuu Bara ili wapate nafasi nyingine ya kucheza Ligi ya Mabingwa mwakani.

Tayari uongozi wa Simba umeshaanza mikakati ya kuwasaka wachezaji wakubwa ili wawe na nguvu zaidi msimu ujao wa Ligi ya Mabingwa, na wanataka wavuke hatua ya robo fainali ambayo wamekomea msimu huu.

“Tumejifunza vitu vingi hadi hatua hii ambayo tumefikia na kutolewa. Tumeona kwamba ili usonge mbele kwenye hatua kubwa ni lazima uwe na wachezaji wenye viwango vikubwa na sisi kwa mwakani tutalifanyia kazi hilo,” alisema jana Ofisa Mtendaji Mkuu wa Simba, Crescentius Magori.
Kocha Patrick Aussems.
Baada ya mechi hiyo ya ambayo ilichezwa huko Lubumbashi nchini DR Congo na Simba kufungwa mabao 4-1, kocha mkuu Patrick Aussems aliutaka uongozi wa timu hiyo kuanza mara moja harakati za kumwania beki wa kati wa AS Vita na timu ya taifa ya DR Congo, Bangala Litombo kwa ajili ya kuimarisha safu ya ulinzi ya timu hiyo.

Inaelezwa kuwa Aussems amefikia hatua hiyo kutokana na kutofurahishwa na makosa yaliyofanywa na baadhi ya mabeki wake wa kati katika mchezo huo na kujikuta akiutaka uongozi huo kuhakikisha unamnasa beki huyo.

Kitendo hicho cha kumtaka Litombo, kinaweza kumuingiza Aussems katika vita kubwa ya usajili na Kocha wa Yanga, Mwinyi Zahera ambaye pia hivi karibuni aliweka wazi kuwa anamtaka Litombo kwa ajili ya kuimarisha safu yake ya ulinzi, baada ya msimu huu kukabiliwa na changamoto nyingi.

Kama vile haitoshi, Zahera alidai kuwa licha ya ugumu atakaokumbana nao katika kuiwania saini ya beki huyo, lakini anaamini kuwa kwa sababu ana mahusiano mazuri na viongozi wa timu hiyo, basi jambo hilo linaweza kusaidia akampata kirahisi.

Habari za kuamini kutoka ndani ya Simba ambazo Championi Jumatatu limezipata zimedai kuwa, Aussems alimuona Litombo na kuvutiwa na uwezo wake baada ya timu hiyo kupambana na AS Vita huko Kinshasa DR Congo lakini pia jijini Dar es Salaam katika mechi za hatua ya makundi ya Ligi ya Mabingwa Afrika.

“Kwa hiyo kocha ameutaka uongozi kuhakikisha wanaanza haraka iwezekanavyo kumwania beki huyo ambaye pia ni tegemeo kubwa katika timu yake ya Vita na ile ya Taifa ya DR Congo.

“Ishu hiyo alikuwa ameshaizungumza siku nyingi na uongozi lakini baada ya makosa ya safu ya ulinzi katika mechi
yetu ya marudiano ya TP Mazembe ikambidi asisitize jambo hilo lifanyike haraka iwezekanavyo,” kilisema chanzo hicho cha habari.

Alipoulizwa kuhusiana na hilo, Aussems hakuwa tayari kusema chochote zaidi ya kudai: “Muda wa usajili haujafika kwa hiyo kwa sasa siwezi kusema chochote ila jambo kubwa ni kwamba tumeondolewa katika Ligi ya Mabingwa Afrika na tayari tumerudi nyumbani kuendelea kupambana katika ligi kuu ili tuweze kufanya vizuri katika mechi zetu zote za ligi hiyo zilizobakia

Comments

Post a Comment

Popular posts from this blog

Msimu Mpya: Samatta Afanya Maangamizi Ubelgiji

-
Image
 NAHODHA wa timu ya Taifa Tanzania ‘Taifa Stars’, Mbwana Samatta amefunga mabao matatu (hat-trick), katika mchezo wa Ligi Daraja la Kwanza nchini Ubelgiji dhidi ya Waasland-Beveren. Samatta aliiongoza klabu ya KRC Genk kuibuka na ushindi wa mabao 4-0 katika mchezo huo uliochezwa juzi, kwenye Uwanja wa Freethielstadion, mjini Beveren. Mshambuliaji huyo alifunga mabao hayo, dakika za 53, 66 na 86, huku bao jingine likifungwa na Joseph Paintsil dakika ya 21. Samatta anakuwa mshambuliaji wa tatu kufikisha mabao manne, baada ya kucheza michezo minne ya ligi hiyo msimu huu, wengine ni Dieumerci Mbokani wa Royal Antwerp na David Okereke wa Club Brugge. Huo ni mwanzo mzuri kwa Samatta ambaye msimu uliopita aliimaliza nafasi ya pili kwenye chati ya wafungaji bora wa ligi hiyo , akiwa na mabao 23, mabao mawili nyuma ya Hamdi Harbaoui wa Zulte Waregem aliyechukua kiatu cha ufungaji bora. Samatta sasa amefikisha mabao 66, katika mechi ya 160 za mashindano yote, t...
Read more

ALIYEIPELEKA TAIFA STARS AFCON 1980 AFUNGUKA WALIVYOPAMBANA – VIDEO

-
Image
Mchezaji wa Zamani ambae aliisaidia Tanzania kuvuka katika hatua ya kushiriki michuano ya AFCON Mwaka 1979/80 na ndiye aliyeipatia Tanzania goli la Uhsindi, BENEDICT KINOPO, jana Ijumaa, Machi 22, 2019 alifika katika Uwanja wa Taifa na kuwapa hamasa vijana wanaoichezea timu hiyo ili washinde katika mechi ya Jumapili dhidi ya Uganda. Watanzania wanaimani na Timu ya Taifa kuwa itaibuka na ushindi katika mechi hiyo ambapo kuwa hamasa vimetenghenezwa ili Taifa stars kuona kama hawapo peke yao katika mbio hizo za kutaka kuvuka hatua hiyo. BAADA YA KUSHIRIKI HUU NDIYO ULIKUA MSIMAMO WA MATOKEO KWENYE KUNDI A, AMBALO TAIFA STARS ILIKUWA TAZAMA VIDEO AKIFUNGUKA
Read more

Simba Vs Azam: Mtakula za Kutosha!

-
Image
 ACHANA na mechi ya Man city na Spurs, ngoma leo saa 1 usiku iko kwenye Uwanja wa Taifa kwa Simba na azam. Kwa lugha rahisi ni kwamba wenye mpira wao Tanzania wanafungua msimu mpya kwa burudani ya Ngao ya Jamii. Kuanzia nje mpaka ndani ya Uwanja hizi ndizo klabu zenye bajeti kubwa zaidi na leo zinakutana Taifa kuonyeshana ubabe na kufungua njia mpya. Ni mechi ngumu na itakayokuwa na utamu wa aina yake. Ni lazima mtu akae, hakuna cha sare wala suluhu. Mtaalam Razack Abalora atasimama kwenye lango la Azam huku pembeni katika ulinzi wakisimama Nicholas Wadada na Bruce Kangwa. Pale kati atakuwepo Daniel Amoah na Oscar Masai. Kati yupo Yakub Mohammed, Abdallah Masoud, Salmin Hoza, Salum Aboubakary ‘Sure Boy’ na Idd Seleman. Huyu ni wakuitwa Nado. Pale mbele anamalizia Obrey Chirwa mwenyewe. Simba sasa. Aishi Manula hayuko fiti. Beno Kakolanya ataanza chini ya ulinzi wa Shomari Kapombe,Hussein Mohammed ‘Tshabalala’, Pascal Wawa na Tairone Dos Santos. Kuna mtu ...
Read more